Hvað varðar hann um lög og rétt?

Í fréttum sjónvarpsins var sagt frá því að Gunnar Birgisson stæði í stórframkvæmdum á Kársnesi í trássi við skipulagslög. Hvernig er það, gilda ekki landslög í Kópavogi? Þarna er um að ræða 13-14 hektara uppfyllingar og viðlegukant vegna stórskipahafnar. Þá er það nú enn eitt. Hversu skynsamlegt er það að byggja stórskipahöfn á Kársnesi? Er ekki öllum leirum og grunnsævi við Álftanes og í Fossvogi stefnt í hættu með stórskipaumferð um grunnan og skerjum þakinn fjörð sem ber nafn með rentu? Hafa sveitarfélögin í nágrenninu, Álftanes, Garðabær og Reykjavík verið spurð álits. Og hvað finnst íbúum Kópavogs um að fá umferðaræðar til og frá stórskipahöfn í gegnum byggðina?

Athugasemdir

[Sigurður Ásbjörnsson, 22.3.2007 kl. 21:16]

Ef þú vilt fá upplýsingar hjá einhverjum sem veit hvernig er háttað með skipulags- og byggingarlög og framkvæmdaleyfi.  Þá freistast maður til að ætla að sá sem hefur rekið verktakafyrirtæki í áratugi, setið á Alþingi þegar lögin voru sett og er sveitarstjóri í næst stærsta sveitarfélagi landsins, kynni leikreglurnar.  Ekki satt?  Eða væri slíkt kjaftæði kannski merki um umræðustjórnmál en ekki þann athafnamann sem Gunnar kynnir sig?

[Anna Ólafsdóttir (anno) (IP-tala skráð) 23.3.2007 kl. 23:13]

Ég ætla nú bara að vera svo stórorð að leyfa mér að segja að framganga Gunnars Birgissonar annars vegar í Heiðmerkurmálinu og nú þessu landfyllingarmáli finnst mér mest hafa einkennst af valdhroka. Í flestum þeim viðtölum sem ég hef heyrt við manninn hefur hann eytt mestu púðrinu í að gera lítið úr og tala niður til þeirra sem hafa leyft sér að hafa skoðun á ákvörðunum hans. Mér finnst slík framkoma illa hæfa manni í hans stöðu.

[Hlynur Jón Michelsen, 29.3.2007 kl. 11:15]

Af hveju færðu ekki karlinn í viðtal við þig í útvarp Sögu?