Júdas: Sérfróður ráðgjafi Símans

Ég ætla ekki að leggja dóm á þessa frægu kvöldmáltíðarauglýsingu. En samkvæmt henni þykir mér þó augljóst að Júdas er kominn í fasta vinnu hjá Símanum. Eftir því sem fram hefur komið virðist hann vera ráðgjafi fyrirtækisins um almannatengsl, siðferði og verðlagsmál. Enda eiginlega þekktur fyrir þetta allt. Skyldi hann fá 30 silfurpeninga fyrir aðstoðina?

Síminn dreifir 3G símum til heyrnarlausra

Athugasemdir

[j. skagfjörð (IP-tala skráð) 9.9.2007 kl. 00:43]

Sæll Sigurður,

mér er sagt að þú sért fróður um sjávargróður (eins og svo ótalmargt annað). Sjálfur japla ég orðið á þangi flesta daga, finnst það gott. Gætir þú nokkuð sagt mér hvaða næringarefni eru í þangi?

Með fyrirfram þökk

og/eða afsakaðu tilætlunarsemina,

Jónas Skagfjörð

[Eiríkur Harðarson, 9.9.2007 kl. 04:03]

Málið er Bubbi að mér finnst að ekkert sé athugavert við þessa auglýsingu, vegna þess að mér finnst að það megi alveg færa boðskap biblíunnar inn á okkar tímtal. Þó um að ræða sé þessa heilögu máltíð, hún þarf nú varla að vera ævinlega túlkuð sem einhver óhagganleg staðreynd fyrri alda.

[Ester Sveinbjarnardóttir, 9.9.2007 kl. 09:13]

Er Síminn ekki Júdas nútímans að selja Jesú fyrir silfurpeninga?

[Bergur Thorberg, 9.9.2007 kl. 20:09]

Jóhannes tælir Júdas upp við barinn,

Jesaja veitir brennivín af stút.

Frammi á klósetti er allur skarinn,

Því Kristur er læstur inni og kemst ekki út.

Frh. má skoða á kaffi.blog.is

kv.   Bergur Thorberg

[Baldur Kristjánsson, 10.9.2007 kl. 21:36]

Það er gaman hjá þér. kv. B

[Júlíus Valsson, 11.9.2007 kl. 10:46]

Það kom fyrir mig í sumar að inneign mín á GSM Frelsi hjá Símanum hvarf, gufaði upp. Ég fékk mjög loðin svör við fyrirspurnum mínum og menn voru greinilega ekki sammála innan Símans um skýringar á þessari uppákomu. Ekki gat ég fengið þær skýringar sendar skriflega þrátt fyrir mikið suð um það af minni hálfu. Eitt sinn bað ég þjónustufulltrúann um að segja mér hver væri hans yfirmaður. Ekki vildi hann segja mér það. Fulltrúinn vildi sem sagt ekki segja mér nafnið á yfirmanni sínum. Það fannst mér harla undarlegt og raunar mjög óvanalegt. Nú veit ég skýringuna á því, hvers vega aumingja stúlkan vildi ekki nefna nafn hans. 

[Júlíus Valsson, 11.9.2007 kl. 12:34]

...þeir endugreiddu peningana.

[Glúmur Gylfason (IP-tala skráð) 11.9.2007 kl. 18:22]

Hefur einhver heyrt Símans getið sem dæmi um vel heppnaða einkavæðingu?

[Steinn E. Sigurðarson, 13.9.2007 kl. 01:31]

Ég verð nú að segja að ég var viðskiptavinur TALs hér í gamla daga. Þótti mér þar afbragðs þjónusta, og mikið lagt uppúr öflugri samkeppni við Landssímann (eins og þá hét reikna ég með). Svo sameinaðist TAL ýmsum batteríum og úr varð skrímsli sem fékk það ljóta nafn "Og" að endingu. Hríðversnaði þjónustan við allan samrunann og skipulag(sleys)ið þar á bæ. Kannski það sé betra í dag. Varla gat það versnað.

Ég skipti yfir til Símans með mín viðskipti, og þrátt fyrir að lenda öðru hvoru í pirringi við þá, hef ég ekki viljað skipta til baka, ég er það ánægður með þjónustuna. Sérstaklega ef ég ber hana saman við símaþjónustu í evrópu, en hér á landi er betri samkeppni og ódýrari símtöl finnst mér.