Að hrósa sér af dellunni

Ég veit að enginn mun finna að því heldur þvert á móti margir dásama þetta flandur sjónvarpssstöðvanna um allar trissur. Ég get samt ekki á mér setið. Í kvöld var fréttastofan á Ísafirði.  Fréttatíminn var fagfólki til skammar. Allt of mikið af stefnulitlu blaðri. Hver er bættari, þótt skemmtifréttadeild stöðvarinnar haldi morfísfund í sköllóttu deildinni á staðnum? Af hverju þarf að setja fréttaþulinn í stjórnsýsluhúsið á staðnum?  Í kaupbæti fá áhorfendur bilaða útsendingu og tvítekna ekkifrétt um fundinn. Er einhver þörf á því fyrir fréttastofu sjónvarpsins að elta og stæla það sem yfirborðslegast er og froðulegast hjá stöð 2? Er það kannski þetta sem fellst í háeffinu? Guð gefi að þetta verði ekki bara flandur og froða. En þetta lofar ekki góðu. Rétt eins og fundurinn um daginn um utanríkismál, sem var svo sérlegur, að þar var nánast ekkert á mál úr þeim flokki minnst.

Athugasemdir

[HP Foss, 17.4.2007 kl. 23:00]

Algerlega sammála. Hallærislegt að apa upp ruglið á stöð 2. Höldum fagmennsku RUV  og yfirburðum þess . Hætt er við að Palli sé samt soldið á sömu línu og þeir. Í dag var frétt um Wilson Muga, á báður stöðvum, og þar komu yfirburðir RUV berlega í ljós er varðar fagmennsku í fréttaflutningi, eins og svo oft áður.

[Hlynur Jón Michelsen, 18.4.2007 kl. 20:54]

Ég kenndi í brjóst um Ómar.