Sóðarnir kosta okkur stórfé

Ég var að tína rusl úr garðinum hjá mér á dögunum. Aðallega voru þetta umbúðir utan af sælgæti. Hvernig er það, er ekki hægt að kenna krökkum að fleygja ekki rusli á víðavangi? Og þetta eru ekki bara krakkar. Ég hef séð fullorðið fólk fleygja umbúðum út um allt. Margsinnis hef ég komið að laxveiðiám, þar sem allt var útatað í rusli, bjórdósum, tómum sígarettupökkum og þess háttar. Sóðarnir kosta okkur tugi milljóna á ári eins og fram kemur í fréttinni. Er ekki eitthvað meira en lítið að uppeldinu hjá okkur?

Vorverkin hafin í Reykjavík; kostnaður við hreinsunarstörf eykst

Athugasemdir

[Jóhannes Einarsson, 30.3.2007 kl. 12:07]

Sóðaskapur er í þjóðarsálinni. Þó eru ein kvikindi sem ekki mega sóða út það eru hundarnir. Mér líður eins og ég veit ekki hvað þegar ég er á heilsubótargöngu með hundinn minn vaðandi sorpið í ökkla, með ólina í annari hendi og hundakúk í poka í hinni. Samt er hundakúkur nátturvænn en  plastpoki eyðist ekki á 100 árum.

[LÖL (IP-tala skráð) 30.3.2007 kl. 12:09]

Fyllilega sammála þér Sigurður um sóðaskapinn almennt.  Ekki má gleyma nýbyggingarsvæðum líka.  Það er alveg með ólíkindum hvað menn láta fjúka af plasti o.fl. af þessum svæðum´.

Annað mál er síðan frágangur borgarinnar af framkvæmdasvæðum.  Það er ótrúlega langur tími sem fer í að ganga frá almennt.  Ef horft er yfir nýframkvæmdir eins og brúarsmíði á gatnamótum Vesturlandsvegar og Víkurvegar sem var lokið fyrir um 2 - 3 árum síðan þá er enn margt ófrágengið eða illa gengið frá.  Þarna mætti borgin taka sig á (kannski tekur ríkið þátt í þessu á móti ?).  Á móts við Húsasmiðjuna er drullusvað sem mér sýnist ekkert eiga að gera í.  Hvað með að tyrfa og setja þarna tré ?  Á þessu svæði var líka tekið uppá því að sá grasfræjum í moldina í stað þess að tyrfa.  Grasið hefur ekki enn náð sér af stað og þetta er hreinlega ljótt að sjá auk þess að djúp bílför sjást víða í moldardrullunni.   Ég vona að þetta verði lagað sem fyrst auk þess sem forvitnilegt verður að fylgjast með hvernig gengið verður frá nýju gatnamótum Vesturlandsvegar og Suðurlandsvegar.

[Ester Sveinbjarnardóttir, 30.3.2007 kl. 13:18]

Bretar beita háum sektum til að stemma stigum við sóðaskap, það sem kemur við pyngjuna hjá fólki virkar oft vel.

[Gapripill (IP-tala skráð) 30.3.2007 kl. 18:23]

Sammála Ester og ykkur hinum. Beita þyrfti hörðum viðurlögum og háum fésektum við sóðaskap sem hér er landlægur og fer versnandi. Singapúr Lee Kuan Yew væi Íslendingum góð fyrirmynd í þessum efnum:

Don’t chew on this— Singapore doesn’t allow gum in public. But don’t spit it out, either. Spitting in public carries a $1,000 fine.

And by all means, flush the toilet! If convicted, neglecting to twist the swill will cost $150 the first time, while serial offenders are fined $1,000 per failure-to-flush. Some may bristle under the rules of the “nanny state,” but many Singaporeans enjoy the comforts and protections of life under their government. With almost no unemployment or poverty, Singapore is in many ways a model nation. Its standard of living is even higher than the top-ranked European countries.

[Björg F (IP-tala skráð) 30.3.2007 kl. 20:58]

Orð í tíma töluð... Þessi sóðaskapur er óþolandi.. ! Hvað er eiginlega að okkur?

Annars hef ég komið með hugmyndir á bloggsíðu minni um "Rusla-tínu-ferðin" 

Íslendingar skrái sig í ferðir saman... göngutúrar, kósí kakó og tína rusl.. saman gaman..

Veit um marga sem hefðu áhuga á slíkri skemmtiferð.. og ég er ekki að grínast.

Ferðafélag Íslands eða Útivist gætu staðið fyrir slíkum gönguferðum innanbæjar sem utan..

Móðir Jörð hefur verið okkur afskaplega gjafmild.. er ekki kominn tími til þess að endurgjalda greiðann?

[Þóra Guðmundsdóttir, 31.3.2007 kl. 16:39]

"Þá hefur kostnaður við hreinsun opinna svæða aukist um 70-80% á milli ára eða sem nemur um 120 milljónum kr."  Skilji ég þetta rétt þá kostar þessi hreinsun 270 milljónir. Ég veit að borgin er stór  og ruslið er mikið en hvernig í veröldinni geta þessi þrif kostað svona mikið ?

[Halldór Sigurðsson, 31.3.2007 kl. 17:04]

Fólk hendir einnig út úr bílum á ferð, allt frá kaffibollunum ,sem þeir fá á bensínstöðvunum upp í heilu ruslpokana.
Ætti maður kannski að hringja í lögguna og segja þeim frá bílnúmeri viðkomandi ?

[Ísdrottningin, 1.4.2007 kl. 20:53]

Ég er sammála Björgu um að hægt væri að koma á ruslatínsluferðum til að hreinsa náttúruperlurnar okkar.  En hvað varðar þéttbýlið vil ég koma á einskonar þegnskylduvinnu eins og lesa má á síðu minni: http://isdrottningin.blog.is/blog/isdrottningin/entry/164401 ef einhver nennir

[Eysteinn Ingólfsson, 1.4.2007 kl. 22:09]

Fátt pirrar mig meira en þegar sigarettum er hent út úr bílum, stundum stenst ég ekki mátin og flauta eða blikka en uppsker sjaldnast blíðuhót í staðin. Hvað á maður að gera!  Ég á hund og þríf samviskusamlega eftir hann, ekki að ég sé að mæla því bót að skilja hundaskít eftir, en þar sem ég bý úti á Álftanesi lendi ég stundum í því að 2 skrefum frá spörðunum úr hundinum mínum er ca. 1 kg af hrossaskít, já og ekki sé minnst á gæsaskítinn á vorin og haustin.

[Sigurður G. Tómasson, 3.4.2007 kl. 17:42]

Hundaskítur á gangstéttum inni í borg er viðbjóður. Á hinn bóginn hefur ahnn aldrei angrað mig úti í náttúrunni, fremur en annað drit, fuglaskítur, tófuskítur og músaspörð. Að maður tali nú ekki um kindaskítinn, sem er vitaskuld heilög afurð á Íslandi. Í Kaupmannahöfn er mikið af hundaskít á götum. Þegar Magnús bróðir minn var við nám á listaakademíunni þar prentaði hann spjöld og setti prjóna í og stakk í lortana. Á spjöldunum stóð: "Dette her er menneskelort". Danir létu þetta ekkert á sig fá.