Svanurinn.....var álft!

Úr mbl.is: "Dauði svanurinn sem fannst í Fife í Skotlandi og reyndist sýktur af fuglaflensuafbrigðinu H5N1 var álft að því er erfðagreining vísindamanna breskra stjórnvalda hefur leitt í ljós."

    Ja hver röndóttur! Þessir menn ættu að fá Nóbelsverðlaun! Hefur Kári hugað að því að ráða þá í vinnu?

    Svanurinn reyndist vera álft!

Hvað kemur eiginlega næst? Til dæmis: Endurnar á Reykjavíkurtjörn segja bra. Ja, nema þegar þær segja bra bra. Þetta er niðurstaða langvarandi vísindarannsókna dýrfræðinga borgarstjórnar Reykjavíkur.

     

Athugasemdir

[Steinn E. Sigurðarson, 11.4.2006 kl. 20:45]

Hahah, ég væri til í að sjá hvernig upprunalega fréttin sem var þýdd leit út! Þetta er líklega fréttin sem þú talar um!

[Sigurður G. Tómasson, 11.4.2006 kl. 20:55]

Ég hef reyndar heyrt því fleygt að þessi fugl sem fannst við Fife, hafi verið hnúðsvanur. Þeir voru hér á Reykjavíkurtjörn í nokkur ár, Þjóðverjar gáfu okkur par sem átti unga en á endanum dóu þeir út hér.