Skemmtileg frétt

Þetta var skemmtileg frétt. Og tengist eðlilega hinni ágætu konu Guðrúnu Halldórsdóttur. Stéttarfélagið Efling hefur sóma af þessu framtaki. En peningarnir mættu vera meiri og styrkirnir fleiri.

Verkakonur, einstæðar mæður og ungmenni af erlendum uppruna hljóta hvatingarstyrki

Athugasemdir

[Þóra Guðmundsdóttir, 28.2.2007 kl. 19:53]

Gaman að heyra í þér í morgun varðandi sígrænu  trén á Þingvöllum. Ég er mjög ánægð að það skuli vera unnið að því að fjarlægja þau. Mér finnst þau alls ekki eiga  heima þar. Ég var líka mjög ánægð með að heyra að þú værir á svipaðri skoðun.

Mér finnst reyndar líka að það þurfi að marka stefnu varðandi það hvar við viljum hafa tré og hvar ekki. Meðfram Suðurlandsvegi hefur verið plantað alveg óhemju magni af trjám. Þarf ekki að gera einhvers konar umhverfismat áður en ákveðið er að legga stór landsvæði undir trjárækt ?

[Sigurður G. Tómasson, 28.2.2007 kl. 20:12]

Hvort þörf er talin á umhverfismati vegna skógræktar fer eftir stærð svæðisins. Ég held að það sé afar fátítt, ef það hefur gerst, að skógrækt fari í slíkt mat. Kannski er það vegna þess að menn hafa spildurnar innan markanna. En vitaskuld ætti að meta áhrif skógræktar á umhverfið.